Android Launcher Kya hota hai?
Best Android Launcher: Launcher Android ka aisa part hota hai jise modify kiya ja sakta hai. Laucher ke bina Android smartphone ko hum operate nahi kar sakte hai. Is liye sabhi device pe by default Launcher pre-installed hota hai. Launcher me aapke device ka home screen aur sabhi App ki list shamil hai.
Also Read: 5 BEST DOCUMENT SCANNER APPS
Market me bahut se Third-party launcher available hai jisne smartphone ke default launcher ko replace kar diya hai. Third-party launcher hame bahut sare customization ke option provide karta hai isliye log Third-party launcher ko zyada use karna chahte hai. To aaj hum aapko best Android launcher ke bare me batane ja rahe hai.
List of 5 best Android Launcher
Price: Free / $4.99
Nova Launcher best Android Launcher me se ek hai. Ye fast aur light weight hone ke sath hi efficient bhi hai. Play store pe Icon packs available hai jiski help se aap iske look aur feel ko change kar sakte hai. App Dock customizations, notification badges, frequently used App ko app drawer me top pe show karne ka option, folder aur icon customizations aur bahut kuch support karta hai.
Aapko Android Nougat ke liye isme App shortcut bhi mil jayega. Prime version me aapko aur bhi bahut se useful feature mil jayenge.
Price: Free
Evie Launcher fastest Android launchers me se ek hai. Iska universal search feature App me aapko ek hi place se search krne ka option deta hai. App me aapko home screen shortcuts and customizations ke bahut se option available hai. Aap apne App drawer and folder grid ko bhi customize kar sakte hai.
Evie launcher icon packs ko bhi support karta hai jise aap playstore se download kar sakte hai. App icon sizes, app drawer, aur dusri chizon ko bhi change kar sakte hai. Overall ye ek lightweight App launcher hai jo speed aur simplicity ki guarantee deta hai.
Price: Free / $3.99
Apex launcher bahut dino se market me hai aur abtak ke best App Launcher me se ek hai. Ye hazaro themes aur icon packs ko support karta hai jise aap Play store se download kar sakte hai. Ye ek light weight launcher hai jise Android aur Tablet ke liye customize kiya gya hai.
Aap 9 customizable home screen add kar sakte hai aur Aap un App ko App drawer me hide kar sakte hai jiski aapko zaroorat na ho. Launcher App drawer me title, installation date aur App ko kitni bar use karte hai uske base pe App ko Launch karta hai.
Pro version me aapko aur bhi zyada additional feature mil jayenge.
Apex launcher fastest Android launcher me se ek hai.
Price: Free / $3.49
ADW Launcher 2 ek stable fast aur use karne me aasan Launcher hai jo hundred se bhi zayada customizable option provide karta hai. Iska UI stock Android jaisa feel hota hai. Ye aapke wallpaper ke hisab se interface color ko change karne ke liye unique feature ko support karta hai.
Yhan pe aapko launcher shortcuts, bahut saare customization options, extensions, aur bahut se modern features mil jayenge. App me make-your-own-widget features ki help se aap khud ke color se widgets ko create aur modify kar sakte hai.
Price: Free
Microsoft Launcher joki pahle Arrow Launcher ke naam se jana jata tha ek simple aur fast Android launcher hai. Is launcher me aapko Microsoft ki taraf se bahut se customization option mil jayenge. Microsoft ne ise re brand kar ke 2017 ke mid me launch kiya hai. Pahle bhi ye App best Android Launcher me se ek tha.
App Bing se daily naye wallpaper ko upload karta hai. App ka ek Home screen “Google Cards” se decore kiya gya hai. Recent pannel me recently opened media or recently used contact show hota hai. Yahan pe Duplicate contact ko merge karne ka option bhi available hai.
Agar Aapko ye Article pasand aaya to aap hamare YouTube Channel ko Subscribe kar sakte hai. Aap hame Twitter aur Facebook par bhi follow kar sakte hai.
Post Views: 11
