Artificial Intelligence computer science ka ek branch hai jiski help se intelligent machines ko create kiya jata hai taki machine-human beings ki tarah react aur work kar sake, jaise Speech recognition, Learning, Planning, Problem-solving waghairah. Artificial Intelligence tech Industry me bahut hi popular ho gya hai aur abhi tech industry me zyadatar kaam Artificial Intelligence pe ho rahe hai aur AI tech industry ka ek essential part ban ya hai.
Kisi bhi machine ko Inteligent banane ke liye jin chizon pe kaam kiya jata hai wo hai Knowledge, Reasoning, Problem-solving, Perception, Learning, aur Planning.
Knowledge AI ka ek bahut hi important part hai. Machine human beings ki tarah tab hi kaam kar sakta hai jub uske pass information hoga. Knowledge engineering ki help se Machine ko knowledge provide kiya jata hai.
Machine learning bhi Artificial Intelligence (AI) ka ek core part hai, is technique ki help se machine ko itna inteligent banaya jata hai ke bina kisi supervision ke bina machine kisi bhi situation ko face karne ke baad us situation se learn kar sake.
AI ki help se machine kisi bhi problem ko pahle learn karta hai uske baad process karta hai phir apne knowledge base ke hisab se decide karta hai ke use kya karna chahye aur finally us kaam ko solve karta hai.
Applications of Artificial Intelligence (AI)
Healthcare: Artificial Intelligence (AI) ka sabse zyada use Healthcare industry me ho raha hai. Data management ke sath hi disease ko diagnose ke liye, treatment protocol develop karne ke liye, patient ko monitor karne ke liye karne ke liya kiya jata hai.
Entertainment: Everyday life me AI ka application aapko apne phone me mil jayega jahan pe humare search ke basis pe hame chizen recommend kiye jate hai. Chahe aap Youtube pe kuch dekh rahe ho ya phir Google pe kuch search kar rahe ho ek baar search karne ke baad aapke search ke according recommendations aane lagte hai.
Finance: Fraud detection “finance” me Artificial Intelligence (AI) ka ek important application hai, jiski help se farudulant transaction ko detect kiya ja sakta hai, real time approval accuracy, aur false declines ko reduce kiya ja sakta hai.
Data security: AI ki help se data ko secure kiya kiya ja raha hai. Cyber attack ke badhne ki wajah se AI ye batane me help karta hai ke software bug hai wo security issue create kar sakta hai ke nahi,aur agar koi security issue samne aati hai to use automatically secure kar deta hai.
Automotive industry: Automation Industry me Artificial Intelligence (AI) ki help se self-driving car design kiye ja rahe hai. Aur iske sath hi aise system develop kiye ja rahe hai ke user apne phone ya desktop se apne vehicle ko control kar sake.
Post Views: 11
