Best WordPress Plugins: Kya aapne apna naya blog start kiya hai aur apne business or blog ko aage barhane ke liye best Plugin ke khoj me hai. Aapke pass 54,226 WordPress plugins ke option maujood hai jisme se aap select kar sakte hai. Lekin naye user ke liye apne site ke according right Plugin select karna bahut mushkil ho sakta hai. Plugin ka right selection aapke Business aur Blog ko online grow karne me help karega. Isliye is post me hum aapke liye le kar aaye hai kuch best WordPress business and blog Plugins.
Ye essential wordpress Plugins WordPress Platform pe aapke blog aur business ke liye bahut helpful honge.
Best WordPress Plugins For WordPress Blog & Website
Kisi bhi WordPress blog ko Search Engine pe high rank gain karne ke liye SEO Plugin ka hona zaroori hai. Ye Plugin har ek WordPress Blog pe hona chahye. Yoast SEO WordPress Plugin ek best aur powerful free SEO plugin hai.
Is Plugin ki help se aap apne site ke sabhi On-page aur off-page SEO ko control kar sakte hai. Ye Plugin free aur pro version dono me available hai.
Jetpack ek multi-option plugin hai jise WordPress ki team ne banaya hai. Jetpack ki help se aap bahut kuch kar sakte hai jaise:-
- Contact form add kar sakte hai.
- Page views & search queries ko analytics ki help se track kar sakte hai.
- Downtime ko monitor kar sakte hai.
- Apne login page ko hacker ke brute-force attack se bacha sakte hai.
- Blog posts ko share karne ke liye social sharing buttons provide karta hai.
- Apke blog ko publish karne ke baad Twitter, Facebook, and Google Plus pe blog ko auto publish karta hai.
- Engagement ko increase karne ke liye related post share karta hai aur bounce rate ko kam karta hai.
- Subscribe option provide karta hai taki user aapke blog updates ko subscribe kar sake.
- Sitemap create karta hai.
In sab ke alwa bahut se feature hai jo Jetpack me aapko milenge.
Is WordPress plugin ki help se aap apne WordPress site ko spam comments se prevent kar sakte hai. Is Plugin ko aapko apne website pe install karna chhaye. Aapke blog pe comment feature hoga agar aap is comment Plugin ka use nahi karte hai to aapka blog Spam ho jayega. Spamer sirf aapki site pe apne affiliate site ka link dalna chahte hai.
Ye Plugin sabhi spam comments ko automatically Trash me transffer kar dega jahan se kuch dino me ye comments delete ho jayega.
Social bookmarking SEO ke liye ek major ranking factor ban gya hai. Zyada share pane ke liye aapko apne social sharing button ko sahi jagah pe place karna hoga. Jub reader in options ko dekhenge to zyada chance hai ke inhe share kare.
Social Snap abtak ka ek top social media sharing plugin hai. Ye aapke desktop aur mobile sites dono pe sharing button ko add karne deta hai.
Ye sabhi modern Platform ko support karta hai:-
- Facebook
- Twitter
- Whatsapp
- Telegram
- Pinterest (direct on the image)
- Reddit
Jub aap contact form plugins ko search karte hai to aapko bahut se options milenge. Aapke pass bahut se Premium Plugins ke bhi option milege jaise Gravity par in sab me Contact Form 7 ek simplest plugin hai jise configure karna aasan hai.
Contact Form 7 ko aap apne need ke according customize kar sakte hai. Aap multiple tables ki help se multiple form create kar sakte hai.
Note: Agar aap Jetpack Plugin ka use kar rahe hai to aapko is Plugin ka use karne ki zaroorat nahi hai.
Bahut saare security-related WordPress plugin hai jinka aap use kar sakte hai lekin WordFence ek best WordPress plugin hai jo aapke WordPress blog ko hackers se safe rakh sakta hai.
Latest hacking aur cracking technique ko handle karne ke liye plugin me regular update jari hote rahte hai.
OptionMonster ek great Plugin hai jo aapko email ko capture karne me help karta hai. Yeh Plugin bahut se advance feature jaise A/B testing, geolocation targeting, conditional pop-ups aur mobile site ke liye email subscription forms jaise feature ko support karta hai.
Broken links search engines aur aapki website ke SEO ke liye dead end se kam nahi nahi hai. Broken Link Checker ek free plugin hai jo aapki blog ko continuously broken link ke liye check karta rahta hai, aur use sirf ek click me fix kar deta hai. Is plugin ko har blogger ko use karna chhaye.
Ye ek free WordPress plugin hai jo aapke sabhi affiliate links ko manage karta hai. Ye aapke readers ko favorite affiliate programs pe redirect karta hai. Affiliate marketers ke liye SEO smart links ke sath ye Plugin site pe ek value add kar deta hai.
Ye Plugins sirf useful hi nahi balki kisi bhi tarah ki website ke liye ek top choice hai. In plugins ki help se aapki site pe kuch khas functionality aur feature add ho jate hai jo user ke sath sath admin ke experience ko bhi enhance karta hai.
Post Views: 6
